انتي دعاي المستجاب و الأمنيات الاوله
جيتك على متن السحاب في نظرة عيوني وله
مالي سوا عيونك جواب قبلك حياتي اسئله
أنا اشعر أن انتي ثواب لخير فعلته و اجهله

انتي لي الدرب الصواب فرحة سنيني المقبلة
عمري كتبته لك كتاب سميت ب اسمك أجمله
أنسى الحكي وأنا معك ماعندي غير اتأملك
اهيم فيك اطالعك وإذا التفتي اشتقت لك

احكي لي انتي و اسمعك الله يا انتي ما اجملك
تبسمي و استودعك قلبي وهذا القلب لك
لاهداب عينك بتبعك مكاني اللي قلت لك
وان قلت عيني توسعك ما عاد يوسعني الفلك

مالي سوا عيونك جواب قبلك حياتي اسئله
انا اشعر ان انتي ثواب لخير فعلته و اجهله

- فهد المساعد