Published On Premiered Mar 21, 2023
حضور طاغي ل #اولاد_اخوات_العريس بأغنية #أجمل_خال وانبهار العروسة والحضور بفرحة الأولاد بخالهم "عريس الليلة" - انتاج اغنية وكليب شركة #ويدنج_تون احجز اغنيتك بالكليب واتس او فون
01015767377 🔥
كلمات أغنية "أجمل خال" من ويدنج تون :
(كورال ):
عريسنا حودة عريس الليله
في فرحه باركوله وزفوه
عروسته حلوه وليلته جميله
مراضي دايما امه وابوه
زغروطة حلوة لاجمل خال
وهاتوه علي اديكم يتشال
وارقصوا رقصوا
موسيقى ......
(هناء ):
أسراره كلها عندى فى بير
لحد ابدا مبقولهاش
وايوه اعرف عنه كتير
حاجات يارضوي متعرفيهاش
بأهله بار يستاهل الخير
وعمره مايسيب فرض عليه
بحس من صغره انه كبير
يارب اولادي يطلعوا ليه
لولاده هيكون اعظم اب
يارب يفرح بيكي يارب
ومعاكي تهنيه
موسيقى .....
(عصام ):
وانا من خطوبتى لأخته بقيت
اخوه الكبير و اللى مربيه
بعته للمعمل ولاقيت
علب الزبادي وقعها عليه
وجيت تعيط قولت فداك
ياحودة وقع ميهمش
ويوم مااسيب انا شغلي معاك
واطلعلي مصيف مابيكملش
سبيح علي شواطئ مطروح
ويلاقي اي غريق بيروح
واندهله ميسمعش
موسيقى ......
(ريهام ):
بقينا نستنى الويك اند
عشان نقضى معاه اليوم
ويرش مية فى عز البرد
علينا لما نقوم م النوم
وكان فى وقت الامتحانات
يلاقى مودى مكنش تمام
يروح ويشتري حلويات
ويقولى روقي بقى يا ريهام
بالمانجا وبقشر البطيخ
لبخلي وشى اخر تلبيخ
واضحك ضحك صريخ
موسيقى .....
(ملك ):
القعدة مبتحلاش غير بيه
وكل مصيف لينا طقوس
بيخلى كل خروجة عليه
وعلينا يصرف تل فلوس
فى البحر كان يدفنى فى رمل
ويسبنى مكتفتة ساعتين
واوعي يوم يطبخلك اكل
مكرونته صايصه وطالعه عجين
نلعب بكوتشينه وبنلوك
ومش بيرضي اعمل تيك توك
دايما ظابط اللوك
موسيقى .......
(فتحى ):
🔥
اخويا انا مش خالي وبس
روق عليا كتير فى حاجات
فسح واكل واشيك لبس
وركوب عجل على موتسكيلات
كانت فلوسى تقع على الأرض
ولما ادور وملاقيهاش
يقولى طب متقولش لحد
واخد بدالهم فورا كاش
ولما أغيب انا عنه يومين
يسال عليا يشوف انا فين
اهو ده الخال يا بلاش
موسيقى .....
(ابراهيم ):
معايا يسهر ليلة العيد
نلعب بلاستيشن ونهيص
ولما يخسر بيقول عيد
الماتش ويقضيها تفليس
فى البحر يحدفنى فى امواج
ويسبنى وانا مش بعرف اعوم
واخدلى حتة دين كرباج
بالعافية بصلب طولى وأقوم
جبسلى ايدى وجبر الكسر
صدق اللى قال إن الخال ضهر
نعمه يارب تدوم
موسيقى .....
(سارة ):
بيحب تبقي شياكته تمام
وهدومه مكوية مع الشوز
ولو خرج بقى م الحمام
ولقاكي ناسية بيضرب بوذ
ده خالو ده مفيش منه اتنين
سبورت (support) للعيلة وللكل
وكان لتيتا يغسل مواعين …
ويروق البيت زي الفل …
مابحطلوش سكر ع الشاي
ويقولي اشربه بس ازاي
خد شفطه هيحلو
موسيقى .....
(جميلة ):
ده كان يجيلى اعمله رقاق
وفتة بالصلصة علي هواه
بعد الجواز وقت ما يشتاق
يجييب معاه رودي وعزماه
حبيبى عيزاه يكون مبسوط
فرحانة علشان جوزناه
هو احنا عندنا كام محمود
ده اليوم ده كنا بنستناه
مبروك عليه قمر القمرات
وزغروطلهم بقي يابنات
قولوا ماشاء الله
موسيقى .....
(فاطمة ):
محمود بيعمل أحلى فطار
وبكرة تدلعى بأيديه
البيض مدحرج فايف ستار
والفول بزبدة ياعينى عليه
اجدع صاحب فى الدنيا بجد
وكل حد احتاجه لقاه
عليكى هيكون وش السعد
هيخليكى برنسيسة معاه
يا خالو مليون مبروك ليك
ارقص وخلينا نفرح بيك
وعروستك فى ايديك
موسيقى .......
(كورال ):
جوزناك الليله خلاص
خد بقي رودي وطير
وان شاالله يكون احلي جواز
ويتمم علي خير
مبروك عليك قمر القمرات
هتعيشك في تبات ونبات
وتجيبلك قمامير
تابعنا على حساباتنا :
فيسبوك :
●Facebook : / weddingtone
انستجرام :
●Inastgram : / wedding.tone
سناب شات :
● / @wedding.tone
: snapchat
تيك توك :
● / weddingtone
.
تويتر
●Twitter: / wedding_tone
