Fulg uns op:
  / niederdeutschsekretariat  
  / jung.un.platt  
  / niederdeutschsekretariat  
  / jungeluud  

Uns gifft't ok bi Spotify: https://podcasters.spotify.com/pod/sh...

klook·luus·teert /klɔʊ̯k.luːs.tʰæt/ [Partizip vun de Verleden Tiet]
- Neologismus ut "klook" un "luustern" in de Bedüden vun "schlaugehört"

++Lees ünnen mehr över düssen Podcast*++
Över de Energiewenn in Düütschland schall dat in uns achte Fulg gahn. Wi hebbt mit Thomas Saretzki un Bernard Brunklaus twee Exerpten op dat Rebeet inlaadt. Thomas Saretzki is Perfesser för Ümweltpolitologie an de Leuphana-Universität in Lümborg un weer ok al in uns eerste Fulg över den "Klimawannel in de See" mit dorbi. Bernard Brunklaus is Diplomingeneur bi de swb in Ossenbrügge. Uns Moderater Arne Lentföhr snackt mit jem över den aktuellen Stand in Düütschland un de Welt, wat de Energiewenn bedrepen deit, wat wi anpacken mööt, üm den Wessel hen na verne'erbore Energie gau un beter uttostalten un welke Problemen un Rutfödderns wi opstünns noch hebbt.
(De Fulg is verleden Johr, in'n Winter, opnahmen worrn.)

Wenn du nich allens verstahn hest oder sülvens ne'e Wöör bruukst, wenn du över düt Thema snacken wullt, finnst du hier en lütte Utwahl.
erneuerbar – verne’erbor
nachhaltig – duersam
der Ausstoß – de Utstoot (männlich)
der Kohlen-, Sauer-, Wasserstoff – de Köhlen-, Suer-, Waterstoff (m)
der Netzausbau – Nettutbo (m)
der Energiebedarf – Energienafraag (wieflich), -berief (m); Energie, de nödig is
die Entwicklung – de Verloop (m), dat Vörangahn (saaklich), de Rutkumst (w) (Strompreisentwicklung – Stroompriesverloop)
das Gebäude - dat Gebüüd (s)
die Bundesnetzagentur – de Bunnsnettagentur (w)
die Stromerzeugung – de Stroomprodukschoon (m)
der Wettbewerb – de Wettstriet (m)
das Flüssiggas – dat fleten Gas (s)
die Maßnahme – de Maatregel (w)
das Kernkraftwerk – dat Karnkraftwark (s)
der Treibhauseffekt – de Drievhuuseffekt (m)
die Wärme – de Warms (w)
das Nahwärmenetz – dat Neegwarmsnett (s)
die Wärmepumpe – de Warmspump (w)
die Kohle – de Kahl/Köhl (w); Bruunköhl, Swattköhl
der Rohstoff – de Roogstoff (m)
der Gewinn – de Winst (w)
das Bundesministerium für Wirtschaft und Energie – dat Bunnsministerium för Weertschop un Energie
das Bundesumweltministerium – dat Bunnsümweltministerium
der Mitgliedsstaat – de Liddmaatstaat, Maatstaat (m)
die Pipeline – de Rohrlien, de Pieplien (w)
die Off-Shore-Anlage – de Vörwaterkantsanlaag, de Off-Shore-Anlaag (w)

____________________
Du fraagst di, welke Dialekten de Lüüd snackt hebbt? We've got you covered.
Arne Lentföhr snackt Noordneddersass'sch ut Sleswig-Holsteen.
Bernard Brunklaus snackt süüdollnborgsch Noordneddersass'sch.
Thomas Saretzki snackt en Melangsch ut noordneddersass'sche Dialekten.

____________________
* In'n Podcast "klookluustert" snackt wi mit Fachlüüd över aktuelle Themen ut Wetenschop un Sellschop. Dat geiht üm Themen, de uns all wat angaht un över de wi veel leest un höört - in de Narichten, in't Blatt, in Podcasts, in Tietschriften oder in't Radio. Op Düütsch un ok mal op Engelsch. Man op Plattdüütsch? Mehrstendeels woll nich. Dat schall sik mit den ne'en Podcast nu ännern, denn de Spraak vun den Podcast is Plattdüütsch. Wi wüllt wiesen, dat Plattdüütsch döggt, üm Themen as de Versmudden in'n Weltruum oder Mikroplastik un sien Alternativen aftohanneln. Begäng is dat nich, un ok för uns Gäst weer dat en ne'e Beleven: De mehrsten vun jüm hebbt dat eerste Mal op Platt över ehr Fachrebeet snackt. Hier un dor fehlt mal en plattdüütsch Woort, denn Plattdüütsch is op vele Rebeden nich so utboot as Hoochdüütsch. Mit klookluustert wüllt wi to den Utbo vun de Spraak bidregen: To jeedeen Folg maakt wi en Anbott för passliche Wöör, de een bruken kann, wenn een dor op Platt över snacken deit.
To hören gifft dat den Podcast överall dor, wo dat Podcasts gifft.

Stütt geven för dat Projekt hett de Beopdraagte vun de Bunnsregeren för Kultur un Medien (BKM). Opnahmen un ümsett hett dat fx:one Audioproduktionen, wo wi uns vun Harten för bedankt.

Na uns Websteed: https://www.niederdeutschsekretariat.de

#podcast #klookluustert #energiewende #erneuerbareenergien #renewableenergy #energie #windkraft #solar #solarenergy #solarenergie #fernwärme #swb #umwelt #environment #klimawandel #klimakrise #verkehrswende #politik #politics #plattdeutsch #wissenschaft #wetenschop #gesellschaft #sellschop #niederdeutsch #plattdüütsch #sprachausbau